ووٹ ہر اہل شہری کا ایک اہم جمہوری حق اور ذمہ داری ہے،علی اصغر سیال

کوئٹہ (پ ر) آج الیکشن کمیشن آف بلوچستان کے زیرِ اہتمام ایک اہم، معلوماتی اور بامقصد اجلاس الیکشن کمشنر علی اصغر سیال کی صدارت میں منعقد ہوا۔ اجلاس میں مختلف سرکاری، غیر سرکاری، تعلیمی اور سماجی شعبہ جات سے تعلق رکھنے والے نمائندگان نے شرکت کی۔ مجھے اس اہم اجلاس میں بلوچستان پرائیویٹ اسکولز ایسوسی ایشنز الائنس کی نمائندگی کرنے کا اعزاز حاصل ہوا۔اجلاس کا بنیادی مقصد ووٹ کی اہمیت، انتخابی عمل میں عوام کی شرکت اور شہریوں میں انتخابی شعور اجاگر کرنا تھا۔ اس موقع پر ووٹ کی اہمیت اور معاشرے میں اس کے مثبت کردار کے حوالے سے تفصیلی گفتگو اور تبادلہ خیال کیا گیا۔اجلاس میں اس بات پر زور دیا گیا کہ ووٹ ہر اہل شہری کا ایک اہم جمہوری حق اور ذمہ داری ہے۔ عوام کو اپنے ووٹ کی قدر و اہمیت کو سمجھنا چاہیے اور انتخابی عمل میں ذمہ داری کے ساتھ حصہ لینا چاہیے۔ اس حوالے سے عوامی آگاہی کو مزید فروغ دینے کی ضرورت پر بھی زور دیا گیا۔شرکاءنے اس بات پر بھی گفتگو کی کہ عوام کو ووٹ کی اہمیت کے بارے میں کس طرح مو¿ثر انداز میں آگاہ کیا جائے، خصوصاً ان افراد کو جو ابھی تک ووٹر لسٹ میں شامل نہیں ہیں۔ اس سلسلے میں اہل شہریوں کی ووٹر رجسٹریشن اور انتخابی فہرست میں شمولیت کے حوالے سے آگاہی پیدا کرنے کی ضرورت پر بھی تبادلہ خیال کیا گیا۔اجلاس میں یہ نکتہ بھی زیرِ بحث آیا کہ ووٹ کا استعمال کرتے وقت ذاتی یا معمولی معاملات سے بالاتر ہو کر قومی مفاد، عوامی خدمت، ملکی ترقی اور بہتر مستقبل کو مدنظر رکھنا چاہیے۔ ہر شہری کو اپنے ووٹ کی اہمیت کا احساس ہونا چاہیے اور اسے ذمہ داری اور شعور کے ساتھ اپنا حقِ رائے دہی استعمال کرنا چاہیے۔مختلف شعبہ جات سے تعلق رکھنے والے نمائندگان نے اپنے تجربات، آرائ اور تجاویز پیش کیں۔ شرکائ کی جانب سے پیش کی جانے والی تجاویز کا مقصد عوامی شعور میں اضافہ، انتخابی عمل میں شہریوں کی شرکت کو فروغ دینا اور ملک و قوم کی ترقی و خوشحالی کے لیے مثبت کردار ادا کرنا تھا۔اجلاس نہایت مفید، مثبت اور فکر انگیز رہا۔ مختلف شعبہ جات کے نمائندگان کو اپنے خیالات پیش کرنے اور انتخابی عمل سے متعلق اہم امور پر تبادلہ خیال کا موقع ملا۔بحیثیت نمائندہ بلوچستان پرائیویٹ اسکولز ایسوسی ایشنز الائنس ، اس اہم اجلاس میں شرکت میرے لیے ایک قابلِ قدر اور مفید تجربہ رہا۔ اس اجلاس سے ووٹ کی اہمیت، شہری ذمہ داری اور عوامی آگاہی کے حوالے سے بہت سے اہم پہلوو¿ں کو سمجھنے کا موقع ملا۔امید ہے کہ مستقبل میں بھی ایسے آگاہی اجلاس اور پروگرامز منعقد ہوتے رہیں گے، جن کے ذریعے عوام، بالخصوص نوجوان نسل، کو ووٹ کی اہمیت، جمہوری حقوق و ذمہ داریوں اور ملکی ترقی میں ان کے کردار کے بارے میں مزید آگاہی فراہم کی جا سکے۔ باشعور شہری، ذمہ دار ووٹر اور مضبوط جمہوری عمل ایک بہتر اور خوشحال معاشرے کی بنیاد ہیں۔