کوئٹہ:وزیراعلی بلوچستان سرفراز بگٹی نے سینئرافسران سے نوکریاں فروخت نہ کرنے کا حلف لے لیا۔ وزیراعلی بلوچستان سرفرازبگٹی کی زیرصدارت سیکرٹریزکمیٹی کا اجلاس ہوا جہاں محکموں کی کارکردگی کاجائزہ لیاگیا۔ سیکرٹریز کمیٹی کے اجلاس کے دوران وزیراعلی سرفرازبگٹی نے سینئر افسران سے حلف لیا کہ بلوچستان میں کوئی نوکری فروخت نہیں ہوگی۔اس موقع پر سرفرازبگٹی نے دو ٹوک اعلان کیاکہ نوکریوں کی خرید و فروخت ثابت ہونے پر نہ کوئی سیکرٹری اور نا ہی کوئی وزیر بچے گا۔وزیراعلی بلوچستان نے محکمہ جنگلات کی بھرتیوں میں بے ضابطگی کی شکایات پر اعلی سطح کی تحقیقات کا بھی حکم دیا۔
وزیراعلی بلوچستان نے سینئر افسران سے نوکریاں فروخت نہ کرنے کا حلف لے لیا
