نیشنل پارٹی نے ہمیشہ جمہوری، سیاسی اور آئینی جدوجہد پر یقین رکھا ہے، ڈاکٹرمالک بلوچ

کوئٹہ۔۔۔۔ گورنمنٹ ٹیچرز ایسوسی ایشن بلوچستان (جی ٹی اے بی)کے رہنماں کے ایک وفد نے میر ہزار خان مری کی قیادت میں نیشنل پارٹی کے مرکزی صدر و سابق وزیراعلی بلوچستان ڈاکٹر عبدالمالک بلوچ سے ملاقات کی۔ ملاقات میں اساتذہ کو درپیش مسائل، معطل کیے گئے اساتذہ کی بحالی، ملازمین کے حقوق، گرینڈ الائنس کی جدوجہد اور موجودہ صورتحال سمیت مختلف امور پر تفصیلی تبادلہ خیال کیا گیا وفد میں جی ٹی اے بلوچستان کے سرکردہ رہنماں شان جان رند، وڈیرہ غفار کھیتران، غلام نبی حسنی، محمد ذاکر رند، نظام لاشاری اور مولابخش بلوچ سمیت دیگر رہنما شامل تھے۔ وفد کے ارکان نے ڈاکٹر عبدالمالک بلوچ سے ملاقات کے دوران گرینڈ الائنس کے اسیر رہنماں کی رہائی کے سلسلے میں ان کی جانب سے کی جانے والی کوششوں پر خصوصی طور پر شکریہ ادا کیا جی ٹی اے بلوچستان کے رہنماں نے کہا کہ اساتذہ اور دیگر سرکاری ملازمین اپنے جائز حقوق کے حصول کے لیے طویل عرصے سے جدوجہد کر رہے ہیں، تاہم اس دوران متعدد اساتذہ کو معطل کیا گیا، جس کے باعث متاثرہ اساتذہ اور ان کے خاندان شدید مشکلات سے دوچار ہیں۔ وفد نے ڈاکٹر عبدالمالک بلوچ سے درخواست کی کہ وہ معطل کیے گئے اساتذہ کے معاملے کو ذاتی طور پر دیکھیں اور ان کی بحالی کے لیے اپنا سیاسی اور انتظامی اثر و رسوخ استعمال کرتے ہوئے بھرپور کردار ادا کریں اس موقع پر ڈاکٹر عبدالمالک بلوچ نے وفد سے گفتگو کرتے ہوئے کہا کہ نیشنل پارٹی نے ہمیشہ اساتذہ، سرکاری ملازمین، مزدوروں اور تمام محنت کش طبقات کے جائز حقوق اور مفادات کے لیے آواز بلند کی ہے اور آئندہ بھی ان طبقات کو کسی مشکل وقت میں تنہا نہیں چھوڑا جائے گا ڈاکٹر عبدالمالک بلوچ نے کہا کہ نیشنل پارٹی کی سیاست کا بنیادی مقصد عوام، ملازمین، مزدوروں، کسانوں، طلبہ، اساتذہ اور دیگر محنت کش طبقات کے حقوق کا تحفظ ہے۔ انہوں نے کہا کہ نیشنل پارٹی نے ہمیشہ جمہوری، سیاسی اور آئینی جدوجہد پر یقین رکھا ہے اور ملازمین کے جائز مطالبات کو بھی اسی جمہوری جدوجہد کا حصہ سمجھتی ہے انہوں نے کہا کہ اساتذہ معاشرے کی تعمیر اور نئی نسل کی تربیت میں بنیادی کردار ادا کرتے ہیں، اس لیے کسی بھی استاد کے روزگار سے متعلق معاملہ انتہائی حساس نوعیت کا حامل ہوتا ہے۔ ان کا کہنا تھا کہ اساتذہ کو اپنی ذمہ داریاں ادا کرنے کے لیے سازگار ماحول فراہم کرنا حکومت اور ریاست کی ذمہ داری ہے، کیونکہ ایک مضبوط اور معیاری تعلیمی نظام ہی بلوچستان کے مستقبل کو بہتر بنا سکتا ہے سابق وزیراعلی بلوچستان نے جی ٹی اے بی کے رہنماں کو یقین دہانی کراتے ہوئے کہا کہ وہ خود معطل کیے گئے اساتذہ اور دیگر متاثرہ ملازمین کی ملازمتوں کی بحالی کے معاملے پر کوششیں کر رہے ہیں اور اس سلسلے میں متعلقہ حکام اور ذمہ دار حلقوں سے بات چیت بھی کی جائے گی ڈاکٹر عبدالمالک بلوچ نے کہا کہ ان کی کوشش ہے کہ مسئلے کو محض سیاسی یا احتجاجی معاملہ بنانے کے بجائے بات چیت اور مذاکرات کے ذریعے حل کیا جائے۔ انہوں نے کہا کہ ملازمین کے مسائل کو سنجیدگی سے حل کرنے کی ضرورت ہے تاکہ سرکاری اداروں میں کام کرنے والے افراد ذہنی دبا اور غیر یقینی صورتحال سے نکل سکیں اور اپنی ذمہ داریاں بہتر انداز میں انجام دے سکیں انہوں نے مزید کہا کہ اساتذہ کے روزگار کا تحفظ صرف ایک فرد یا چند خاندانوں کا مسئلہ نہیں بلکہ اس کا تعلق پورے معاشرے اور مستقبل کی نسلوں سے ہے۔ اگر اساتذہ عدم تحفظ کا شکار ہوں گے تو اس کے اثرات براہِ راست تعلیمی نظام اور طلبہ پر پڑیں گے، اس لیے ایسے معاملات کو دانش مندی، سنجیدگی اور ہمدردی کے ساتھ حل کرنا ضروری ہے ڈاکٹر عبدالمالک بلوچ نے کہا کہ نیشنل پارٹی نے ماضی میں بھی ملازمین اور لیبر طبقے کے مسائل پر آواز اٹھائی ہے اور جب بھی کسی طبقے کو مشکل صورتحال کا سامنا کرنا پڑا، نیشنل پارٹی نے ان کے ساتھ کھڑے ہونے کی کوشش کی۔ انہوں نے کہا کہ نیشنل پارٹی مستقبل میں بھی اساتذہ سمیت تمام ملازمین اور لیبر طبقات کے مفادات اور جائز حقوق کے لیے اپنا سیاسی کردار ادا کرتی رہے گی انہوں نے کہا کہ بلوچستان میں سرکاری ملازمین کی بڑی تعداد مختلف مسائل کا سامنا کر رہی ہے، جن میں سروس اسٹرکچر، ترقیوں، تبادلوں، تنخواہوں، ملازمتوں کے تحفظ اور دیگر انتظامی معاملات شامل ہیں۔ ان مسائل کو حل کرنے کے لیے حکومت، ملازمین کی نمائندہ تنظیموں اور سیاسی جماعتوں کے درمیان مستقل رابطہ اور بامقصد مذاکرات کی ضرورت ہےسابق وزیراعلی نے اس موقع پر اساتذہ کے کردار کو سراہتے ہوئے کہا کہ بلوچستان جیسے پسماندہ اور دور دراز علاقوں میں اساتذہ محدود وسائل کے باوجود نئی نسل کو تعلیم فراہم کرنے میں اہم کردار ادا کر رہے ہیں۔ انہوں نے کہا کہ صوبے میں تعلیم کے شعبے کو مضبوط بنائے بغیر ترقی، خوشحالی اور معاشی استحکام کا خواب پورا نہیں کیا جا سکتا انہوں نے کہا کہ اگر ہم بلوچستان کے نوجوانوں کو بہتر مستقبل دینا چاہتے ہیں تو ہمیں سب سے پہلے اپنے تعلیمی اداروں اور اساتذہ کو مضبوط کرنا ہوگا۔ اساتذہ کو عزت، تحفظ اور بنیادی سہولیات فراہم کرنا ضروری ہے تاکہ وہ پوری توجہ کے ساتھ تدریسی فرائض انجام دے سکیں ڈاکٹر عبدالمالک بلوچ نے کہا کہ ملازمین کے ساتھ مذاکرات کے دروازے ہمیشہ کھلے رہنے چاہئیں۔ انہوں نے کہا کہ اختلافِ رائے جمہوری معاشرے کا حصہ ہے اور ملازمین کو اپنے جائز مطالبات پیش کرنے کا حق حاصل ہے۔ حکومت اور متعلقہ اداروں کو بھی چاہیے کہ احتجاج کی نوبت آنے سے پہلے ملازمین کے مسائل سنیں اور ان کے حل کے لیے مثر اقدامات کریں انہوں نے کہا کہ گرینڈ الائنس کے اسیر رہنماں کی رہائی کے معاملے پر بھی نیشنل پارٹی نے اپنا کردار ادا کیا اور آئندہ بھی جہاں عوام اور ملازمین کے حقوق کا معاملہ ہوگا، نیشنل پارٹی اپنی آواز بلند کرتی رہے گی اس موقع پر جی ٹی اے بلوچستان کے وفد نے ڈاکٹر عبدالمالک بلوچ کی جانب سے اساتذہ کے مسائل کو ذاتی طور پر دیکھنے اور معطل اساتذہ کی بحالی کے لیے کوششیں کرنے کی یقین دہانی پر اطمینان کا اظہار کیا وفد کے رہنماں نے کہا کہ اساتذہ کی جانب سے اپنے جائز مطالبات کے لیے کی جانے والی جدوجہد کا مقصد کسی ادارے یا حکومت کو نقصان پہنچانا نہیں بلکہ اپنے بنیادی اور قانونی حقوق کا حصول ہے۔ انہوں نے امید ظاہر کی کہ ڈاکٹر عبدالمالک بلوچ کی مداخلت اور کوششوں سے معطل اساتذہ کی بحالی سمیت دیگر مسائل کے حل کی راہ ہموار ہوگی جی ٹی اے بلوچستان کے رہنماں نے ایک بار پھر ڈاکٹر عبدالمالک بلوچ کا شکریہ ادا کرتے ہوئے کہا کہ مشکل وقت میں سیاسی قیادت کی جانب سے ملازمین اور اساتذہ کے ساتھ کھڑا ہونا قابلِ تحسین اقدام ہے ملاقات کے اختتام پر ڈاکٹر عبدالمالک بلوچ نے وفد کو یقین دلایا کہ معطل اساتذہ کے معاملے کو سنجیدگی سے آگے بڑھایا جائے گا اور ان کی بحالی کے لیے ہر ممکن سیاسی و قانونی راستہ اختیار کرنے کی کوشش کی جائے گی۔ انہوں نے کہا کہ ان کی خواہش ہے کہ یہ معاملہ جلد حل ہو اور اساتذہ دوبارہ اپنے فرائض منصبی انجام دے سکیں انہوں نے کہا کہ نیشنل پارٹی آئندہ بھی اساتذہ، سرکاری ملازمین اور محنت کش طبقے کے ساتھ کھڑی رہے گی اور ان کے جائز حقوق کے حصول کے لیے اپنی آواز ہر فورم پر بلند کرتی رہے گی آخر میں جی ٹی اے بلوچستان کے رہنماں نے ڈاکٹر عبدالمالک بلوچ کا ایک بار پھر شکریہ ادا کیا اور امید ظاہر کی کہ ان کی کوششوں سے معطل اساتذہ کی بحالی اور ملازمین کو درپیش دیگر مسائل کے حل میں عملی پیش رفت سامنے آئے گی۔