ایران کے کسی بھی براہ راست یا بالواسطہ حملے کا سخت جواب دیں گے،نیتن یاہو

تل ابیب :اسرائیلی وزیر اعظم نیتن یاہو نے خبردار کیا ہے کہ اسرائیل پر کوئی بھی ایرانی حملہ، خواہ وہ براہِ راست ہو یا پراکسیز کے ذریعے، اس کا جواب شدیدردِعمل سے دیا جائے گا اور انہوں نے اس طرح کے قدم کو تہران کی طرف سے ہونے والی ایک بہت بڑی غلطی قرار دے دیا۔نیتن یاہو نے ایک انٹرویو میں کہا کہ اگر ایران نے براہِ راست یا بالواسطہ طور پر اسرائیل پر فائرنگ کی تو اسرائیل پوری طاقت سے جواب دے گا۔انہوں نے یہ بھی کہا کہ جنگ یا تو ایرانی نظام کے خاتمے پر ختم ہوگی یا پھر جب ایران خطے میں اپنے تمام اقدامات کی قیمت ادا کرے گا۔ انہوں نے تہران پر اپنے پڑوسیوں کو نشانہ بنانے اور علاقائی استحکام کو خراب کرنے کا الزام لگایا۔اسرائیلی وزیر اعظم نے کہا کہ ایران سب پر اور اپنے تمام پڑوسیوں پر فائرنگ کر رہا ہے۔ دیکھیں کہ وہ ایٹمی ہتھیار کے بغیر کیا کر رہا ہے، ذرا تصور کریں کہ اگر اس کے پاس ایٹمی ہتھیار ہوتا تو وہ کیا کرتا۔