بدین ، 540 سے زائد اساتذہ کی بنیادی تعلیم سے متعلق تربیت مکمل

بدین(پ ر) سندھ ایجوکیشن فاو¿نڈیشن حکومت سندھ کے تحت ضلع بدین میں فاو¿نڈیشن اسسٹڈ اسکولز کے 540 سے زائد اساتذہ کی بنیادی تعلیم (Foundational Learning) سے متعلق تربیت مکمل کر لی گئی۔ اس تربیتی پروگرام کا مقصد ابتدائی جماعتوں میں تدریسی معیار بہتر بنانا اور بچوں کی سیکھنے کی صلاحیتوں کو مضبوط بنانا ہے۔سندھ ایجوکیشن فاو¿نڈیشن کے منیجنگ ڈائریکٹر، گہنور علی لغاری نے بدین کے مختلف علاقوں میں جاری کلسٹر بیسڈ تربیتی سیشنز کا دورہ کیا اور اساتذہ سے ملاقات کی۔ اس موقع پر انہوں نے کہا کہ معیاری تعلیم کا خواب اس وقت تک پورا نہیں ہوسکتا جب تک اساتذہ کو جدید تدریسی طریقوں اور مسلسل سیکھنے کے مواقع فراہم نہ کیے جائیں۔انہوں نے کہا کہ ابتدائی جماعتوں کے طلبہ کی تعلیمی بنیاد مضبوط کرنا وقت کی اہم ضرورت ہے، اور اسی مقصد کے لیے اساتذہ کی پیشہ ورانہ صلاحیتوں میں اضافہ کیا جا رہا ہے۔ ان کا کہنا تھا کہ یہ تربیت اساتذہ کو بچوں کے ساتھ مو¿ثر انداز میں رابطہ قائم کرنے، انہیں سیکھنے کے عمل میں دلچسپی دلانے اور جدید تدریسی حکمت عملیوں کو اپنانے میں مدد فراہم کرے گی۔گہنور علی لغاری نے مزید کہا کہ کلسٹر بیسڈ تربیتی ماڈل اساتذہ کے درمیان تجربات کے تبادلے اور باہمی سیکھنے کے مواقع بھی پیدا کر رہا ہے۔ انہوں نے بتایا کہ بیشتر اساتذہ کے لیے یہ اپنی نوعیت کی پہلی عملی اور منظم تربیت ہے جس سے ان کی تدریسی صلاحیتوں میں نمایاں بہتری آئے گی۔انہوں نے اس بات پر زور دیا کہ اساتذہ تعلیمی نظام میں کلیدی حیثیت رکھتے ہیں اور انہی کی محنت سے اسکول بچوں کے لیے پرکشش، محفوظ اور سیکھنے کے لیے سازگار ماحول فراہم کرتے ہیں۔اس موقع پر ڈپٹی ڈائریکٹر ٹریننگ یونٹ مسرت پلیجو، سجاد گھلو، ڈسٹرکٹ ہیڈ بدین نصراللہ کھوسو اور دیگر متعلقہ افسران بھی موجود تھے۔یہ تربیتی پروگرام حکومت سندھ کی جانب سے صوبے بھر میں بنیادی تعلیم کے معیار کو بہتر بنانے اور فاو¿نڈیشن اسسٹڈ اسکولز کے اساتذہ کی استعداد کار بڑھانے کی وسیع حکمت عملی کا حصہ ہے۔